قبل القراءة
اضغط لايك لصفحتنا علي الفيس بوك ليصلك اخر تدوينات المدونة
الدمج حلم ووجع كل ام فينا عندها طفل ذوى احتياجات خاصه بتلف بيه على المدارس ويترفض
فين الامان اللى المفروض احس بيه وابنى مش مقبول فى المجتمع، وابنى مرفوض من كل مديرة مدرسه بروحلها وتقولى معندناش دمج، حضرتك رافضه الدمج عشان انتى متتعبيش وعشان معندكيش اصلا القابيله انك تتعاملى مع ولادنا لو الدمج مرفوض هيبقى مرفوض عشان اغلب المعلمين هيبقوا كده زى حضرتك معندهمش اصلا فكرة تقبل الاختلاف ومش مستعدين يساعدوا بأى حاجه، انتى كل مشكلتك فى ازاى اعلمه .. ما تتعلمى ازاى تعلميه هو مش ده دورك اصل، انك تعلمى وتفهمى .. وشايفه ان الدمج قرار متخلف عشان بس السبب ده ..
دمج ولادنا فى المدارس للاسف مش بس محتاج تأهيل للمعلم ... ده محتاج تأهيل للطلاب، واهالى الطلاب، وادارة المدرسة حتى الدادات حتى عامل الكانتين اه والله كل شخص تدب قدمه داخل المدرسه محتاج تأهيل ... انا ضد الدمج من غير غرفة مصادر وضد الدمج من غير تدريب للمدرسين وضد الدمج من غير التعريف باولادنا داخل المدرسه وضد الدمج من غير رحمه ...اللى هى اهم حاجه اصلا (( الرحمة )) .. انت كمدرس لو رحيم بابنى هتحاول تعلمه لو مش فاهم هتبطب عليه لو زعل مش هتسمح لطالب تانى يهينه هتعلم زمايله ازاى يحبوه ويتعاملوا معاه ... لو الرحمه اتوجدت اكيد ابنى هيتعلم صح ...
حضرتك احنا محتاجين نحس ان ولادنا جزء من المجتمع مش منعزلين وعايشين فى دنيا مع نفسهم احنا لما نموت هنسيبهم للعالم ده اللى لازم يبقوا جزء منه..
وعشان انا مش هبطل كتابه الا لما احس بتغيير ومش هعرف لليأس طريق ان شاء الله
والبوست ده ليكى انتى ..
وعشان انا مش هبطل كتابه الا لما احس بتغيير ومش هعرف لليأس طريق ان شاء الله
والبوست ده ليكى انتى ..
لكل ام
❤❤❤❤
رسالة لقلبك
انتى عارفه ان انتى الوحيدة اللى تقدرى تساعدينى وانتى بس اللى ممكن تطمنينى وتغيرى فكر جيل اتربى على ان الطفل المتاخر معاق غيرى معايا فكر ظالم بيوجع قلب ام بتعافر فى الدنيا..
عشان بس ابنها يعرف يتكلم معاكم
علمى ابنك عشان انتى بس اللى تقدرى تعلمى وتفهمى وانتى اللى بتربى وبتبنى بكره و ترسميه ..علميه ازاى يحب قلب ابيض بياضه ناصع
افتحى النت خمس دقايق وخدى فكره يعنى ايه توحد وارجووووووكى عرفيه ازاى يحب ولادنا ويتعامل معاهم .. فهميه انه طفل متاخر مش معوق انه انسان زيه مش كائن غريب.. انه مختلف لكن مثله مثل باقي البشر ..
عرفيه انه بيتعب اوى عشان يتعلم حاجه.. بس برضه عنده ارادة وبيتعلم كل حاجه.. قوليله ان طفولته قضاها فى الجلسات ومع الدكاترة .. بس صامد ومكمل ووممكن يبقى بطل ..
عرفيه انه بيتعب اوى عشان يتعلم حاجه.. بس برضه عنده ارادة وبيتعلم كل حاجه.. قوليله ان طفولته قضاها فى الجلسات ومع الدكاترة .. بس صامد ومكمل ووممكن يبقى بطل ..
مترفضيش ابنى لو قدم مع ابنك فى المدرسة وقولى للمديرة انك معندكيش مشكله فى وجوده. حسى بام لما تروح مدرسه تقدم ويقوللها سورى مش هينفع اصل ابنك:
توحدي
عنده فرط حركة
انتى متخيله كميه الوجع اللى ببقى فيها لما بتوجع بسببك سواء كنتى بقى مديرة مدرسه او ولية امر او صاحبه حضانه..
حسى بيا عشان اوصل بابنى لبر الامان وطمنى قلب ام هيعيش طول عمره فى خوف ورعب من اللى جاى ومن الناس .. وصدقينى وانتى بتعلميه ازاى يحب ابنى هتلاقى ابنك بيتعلم الرحمة والمودة والسلوك الطيب والاحساس بالغير والعزيمه والحب وحاجات كتييير اوى " ارجوكى غيرى معايا فكر مجتمع انا مش هعرف اغيره من غيرك ..
احنا ولادنا مش مختلفين ولادنا متميزين .وكلنا بشر..
وهو الذي يصوركم في الأرحام كيف يشاء لا إله إلا هو العزيز الحكيم
والله ماهبطل كتابه لحد مااخليك فى احسن مكان ان شاء الله انت وكل ولادى
❤❤❤
لنحارب التوحد بالحب والعطاء
