تحميل واتساب الملكي V33 الجديد 2024 KIWhatsApp تحديث يومي - واتساب الملك

قبل القراءة

اضغط لايك لصفحتنا علي الفيس بوك ليصلك اخر تدوينات المدونة

المشاهد اليومية

-أم واقفه في المطبخ بتعمل اللي عليها في البيت وسايبه ابنها سنه ونص قدام التلفزيون!!
-أب مشغول علي الفيس وسايب ابنه بالموبايل بالساعات !!
-أم ابنها بيبكي وعلشان تسكته تشغل طيور الجنه بالساعات !!
-أب بيرجع من شغله وعايز البيت هس اسكت فبيسيب ابنه قدام اللاب توب علشان يعرف يريح !!
-أم عايزه تنام وفرحانه ان ابنها ساكت قدام التلفزيون وسايباه عايش قدامه وفرحانه !!
-أب وأم بيتحججُوا بوجودهم في الغربه وان الموبايل واللاب والتلفزيون هو المُتنفس الوحيد !!

مش دي المشاهد اللي في حياتنا

والنتيجه؟؟
طفل اتأخر في الكلام
طفل عنده تشتت في الانتباه
طفل عنده سمنه من قلة الحركة
طفل عصبي
طفل دراسياً ضايع
طفل مايل للعزله وعنده سمات توحد
طفل عنده توحد

ياااااااه علي الوجع

كل ده بسبب الميديا (كل ماله شاشه) ؟؟

آه والله ودا مش كلامي ...تعالوا معايه نشوف الدراسات بتقول ايه:

* مخ الطفل ينمو بسرعة كبيرة خلال اول سنتين وكثير من علماء النفس لقوا أن التلفزيون ليه تأثير سلبي على النمو العقلي والفكري لدى الأطفال ودا لكونه وسيلة اتصال من جانب واحد يقوم التلفزيون عن طريقها ببث ما يريده القائمون عليه ، فيفقد الطفل القدرة على التحاور وإبداء الرأي وتبادل الأفكار، وبالتالي يفقد القدرة على الابتكار والمبادرة وبالتالي النمو الثقافي بل والنفسي كمان لانه بيسبب لهم الانطوائية و العزلة 

* الخبراء أكدوا أن التلفزيون بطبعه وسيلة تؤدي إلى السلبية، لأن اللي بيقدمه من مواد لا تحتاج إلى أي نشاط ذهني من جانب المشاهد، كمان متناقضة تماما مع الأنشطة الإبداعية وتقلل من قدرة الأطفال على تعلم القراءة وتساعد علي تأخر النطق .

وعملوا تخطيط رسم مخ اثناء مشاهده التلفزيون فلقوا تثبيط وكسل دماغى علي العكس تماما مما يحدث اثناء القراءه.

* دراسة جديدة من جامعة كورنيل قدمت أدلة على وجود صلة بين التوحد ومشاهدة التلفزيون في مرحلة الطفولة المبكرة ووجد الباحثون أن معدلات التوحد شهدت زيادة كبيرة جدا بعد عام 1980، عندما أصبح التلفزيون والموبايل من اساسيات الاسره وبينت الدراسة أن الأطفال الذين تقل أعمارهم عن 3 سنوات واللي امضوا وقت أطول في مشاهدة التلفزيون هم الأكثر احتمالا للتعرض للتوحد.

*مشاهدة التلفزيون تثبط من إفراز هرمون الميلاتونين، وهو هرمون أساسي ومضاد قوي للأكسدة ويلعب دور مهم في تقوية جهاز المناعة، وكمان له دور في انعدام النوم والنضج الجنسي المبكر قبل أوانه.

هذه الدراسة هي أول إثبات علمي على التأثير الفسيولوجي المباشر لمشاهدة التلفزيون على الصغار موضحين أن أفلام العنف تؤثر بالسلب علي نمو الأطفال، كما أن الأضواء الباهرة والإشعاعات اللي بتخرج من شاشة التلفزيون والكمبيوتر بتلخبط توازن الهرمونات في أجسامهم مما قد يؤدي لاقدر الله للاصابة بمرض السرطان.

*البدانه من قلة الحركه...ونوبات الخوف والفزع من النوم مع مشاهد العنف وتعلقها بذاكرة الطفل.

*اجروا دراسة علي 11000 طفل في جامعه جلاسكو ف بريطانيا وجد ان الاطفال الذين يشاهدون التليفزيون لمده 3 ساعات او اكتر ف اليوم وهم في سن 5 سنين اصبحوا وهم في سن 7 سنوات اكثر عرضه للعنف والكذب والغش والسرقه وظهور سلوكيات سيئة زي الطمع والتدخين ودا في سن المراهقه

طب والحل؟؟

١-اوصت الاكاديمية الامريكية لطب الاطفال بعدم تعرض الطفل الاقل من سنتين لاي وسيلة من وسائل الميديا زي التلفزيون والموبايل واللاب توب...ومن سنتين ل ٥ سنوات نصف ساعة فقط ويفضل ان تكون برامج مفيده

٢-بلاش تلفزيون في اوضة نوم الطفل ...ونكتر في الاوضه الالعاب اللي تجذب انتباهه واللي تعلمه ازاي يفكر...ونمنع مشاهدة التلفزيون اثناء الاكل ...ولما نتفرج مع اولادنا نشرح لهم بنتفرج علي ايه ؟وليه؟ ويفضل انه يكون المحتوي اللي بنشوفه مفيد

٣-الخروج في اي يوم أجازه للمناطق المفتوحه وتشجيع الطفل علي اللعب وزيادة اجتماعياته باللعب مع الاطفال ...وفي اقرب وقت يروح حضانه

٤-فيه العاب كتييير بتنمي الذكاء زي العاب المنتسوري والبازل والمكعبات والالعاب الخشبيه اللي بتجذب انتباه الطفل وبتساعده علي التفكير

والابداع....البرامج التعليميه علي الموبايلات لا تؤدي نفس الغرض من التفكير والابداع لانها بتقدم كل الحلول ودا بنسميه (تعليم سلبي)

٥-الطبخ والانشغال في اعمال البيت والاب اللي راجع تعبان وعايز ينام ...كل دي مش مبررات لو لا قدر الله الطفل حصله مشكله...ياريت كمان نكون قدوه لاولادنا نلعب معاهم ونتكلم معاهم ونفكر معاهم ونشوف احلامهم ..مش تبقي حياتنا كلها قعده علي الفيس بوك والموبايل وننسي اعز ما نملك،،،التربيه النفسيه للطفل اهم من كل شيء